Úrgangsstjórnun

VSÓ Ráðgjöf er leiðandi í úrgangsstjórnun og hefur öflugan hóp starfsfólks með þekkingu og reynslu í úrgangsmálum. Hugmyndafræði hringrásarhagkerfisins er höfð að leiðarljósi í verkefnum – að auka líftíma auðlinda og koma í veg fyrir að efni og hlutir hverfi úr hagkerfinu sem úrgangur.

Þjónusta og viðfangsefni VSÓ á sviði úrgangsmála eru m.a.:

• Endurnotkunaráætlanir bygginga.
• Niðurrifsúttektir bygginga og áætlun um meðhöndlun úrgangs.
• Svæðisáætlanir sveitarfélaga um meðhöndlun úrgangs.
• Leiðbeiningar og handbækur um úrgangsstjórnun fyrir sveitarfélög.
• Umhverfisúttektir og meðferð hættulegra efna við niðurrif bygginga.
• Úrgangsstjórnun fyrirtækja og á byggingastöðum.
• Greiningar á uppruna úrgangs, eðli, magni og mögulegri meðhöndlun.
• Úrgangsforvarnir, t.d. koma í veg fyrir myndun úrgangs.

Umhverfisvitund landsmanna hefur aukist hröðum skrefum og áhugi almennings á endurvinnslu og betri nýtingu efna hefur aukist.

Lagaumhverfi á sviði úrgangsmála hefur breyst mikið á síðustu árum og fyrirséðar eru frekari breytingar. Umfangsmiklar lagabreytingar voru samþykktar á Alþingi í júní 2021 sem koma flestar til framkvæmda 1. janúar 2023, sbr. breytingalög nr. 103/2021. Markmið breytinganna er að skapa skilyrði fyrir myndun hringrásarhagkerfis svo stuðla megi að sjálfbærari auðlindanotkun og draga úr myndun úrgangs. Breytingarnar eru unnar á grundvelli stefnumótunar stjórnvalda Í átt að hringrásarhagkerfi, stefna umhverfis- og auðlindaráðherra í úrgangsmálum.

Dæmi um  verkefni á sviði úrgangsstjórnunar:

• Kortlagning og leiðbeiningar um nýtingarmöguleika byggingarúrgangs – unnið fyrir Grænni byggð 2022
• Handbók um framkvæmd úrgangsstjórnunar – unnið fyrir Umhverfisstofnun 2022
• Leiðbeiningar um meðhöndlun byggingarúrgangs – unnið fyrir HMS 2019