Laus störf

Vilt þú vera leiðandi í uppbyggingu veituinnviða sem tryggja hreint vatn, skilvirk fráveitukerfi og sjálfbæra innviði samfélagsins?  Við leitum að öflugum fagstjóra veitukerfa sem hefur þekkingu og metnað til að leiða vatns- og fráveituverkefni ásamt því að þróa og tryggja faglega þekkingu starfsmanna á fagsviðinu.

Um starfið
Sem fagstjóri veitukerfa munt þú m.a. bera ábyrgð á:

• Fagstjórn veitukerfa: Tryggir viðeigandi faglega þekkingu og reynslu í samræmi við þjónustu fyrirtækisins á fagsviði veitukerfa.
• Stefnumótun fagsviðs: Tekur þátt í stefnumótun fagsviðsins í samráði við sviðsstjóra.
• Hönnun veitukerfa: Verkefnastjórn, hönnun vatns- og fráveitu ásamt almennri ráðgjöf og eftirfylgni á byggingartíma.
• Gerð útboðsgagna: Gerð verklýsinga, kostnaðar- og verkáætlana.
• Skýrslugerð: Ýmsar greiningar og gagnaúrvinnsla á fagsviði veitukerfa.
• Faglegt samstarf: Samskipti og teymisvinna ásamt því að sækja ráðstefnur og önnur fræðsluerindi.

Hæfniskröfur
Við leitum að einstaklingi með eftirfarandi eiginleika og færni:

• Menntun: Menntun á sviði verkfræði eða tæknifræði, sérfræðimenntun tengd veitukerfum er kostur.
• Reynsla: m.k. 5 ára starfsreynsla af verkfræðistörfum á fagsviði veitukerfa er æskileg.
• Hugbúnaðarþekking: Góð þekking á Civil 3D er skilyrði.
• Samskiptahæfni: Hæfni til að vinna sjálfstætt og í teymi, jákvæðni og góð samskiptafærni.
• Tungumálakunnátta: Góð kunnátta í íslensku og ensku, bæði töluðu og rituðu máli. Kunnátta í a.m.k. einu skandinavísku tungumáli er kostur.

Hvað bjóðum við?
Við leggjum áherslu á að skapa jákvætt, sveigjanlegt og fjölskylduvænt vinnuumhverfi þar sem starfsfólk hefur tækifæri til persónulegrar og faglegrar þróunar í starfi. Meðal þess sem við bjóðum er:

• Tækifæri til að leiða í mikilvægum og áhrifamiklum uppbyggingarverkefnum.
• Skemmtilegt og hvetjandi starfsumhverfi.
• Sveigjanleiki í vinnu og jafnvægi milli vinnu og einkalífs.
• Líflegt félagsstarf.

Fyrirspurnir og umsóknir sendist á netfangið umsokn@vso.is, merktar Fagstjóri – veitukerfi. 

Vilt þú stuðla að auknum hreyfanleika í samfélaginu? Við leitum að sérfræðingi í vega-, gatna- og stígahönnun á sviði byggðatækni.

Um starfið
Sem sérfræðingur í vega-, gatna- og stígahönnun munt þú vinna við:

• Vega-, stíga- og gatnagerð:  Hönnun vega, gatna, stíga og annarra umferðar- og innviðamannvirkja bæði í þéttbýli og dreifbýli og fyrir fjölbreytta samgöngumáta.
• Yfirborðshönnun í þverfaglegu teymi:  Hönnun yfirborðs fjölbreyttra umferðar- og almenningsrýma, aðlögun að landslagi, öryggiskröfum og samgöngulausnum í samstarfi við landslags-, jarðtækni-, veitu- og umferðarhönnuði.
• Áætlanagerð:  Gerð kostnaðar- og verkáætlana vegna innviðaframkvæmda og undirbúnings þeirra.
• Gerð útboðsgagna:  Gerð verklýsinga og annarra gagna fyrir útboð vegna innviðaframkvæmda.
• Önnur skýrslugerð:  Ýmsar greiningar og gagnaúrvinnsla á sviði byggðatækni.

Um er að ræða kjörið tækifæri fyrir einstakling sem vill vinna í þverfaglegu og spennandi umhverfi.

Hæfniskröfur
Við leitum að einstaklingi með eftirfarandi hæfileika og færni:

• Menntun:  Háskólamenntun á sviði verkfræði, tæknifræði eða önnur háskólamenntun sem nýtist í starfi.
• Reynsla:  Starfsreynsla af sambærilegum störfum er æskileg, en ekki skilyrði.
• Frumkvæði og sjálfstæð vinnubrögð: Skipulagshæfni og lausnamiðuð hugsun.
• Samskiptahæfni: Hæfni til að vinna í teymi, jákvæðni og góð samskiptafærni.
• Tungumálakunnátta: Góð kunnátta í íslensku og ensku, bæði töluðu og rituðu máli.

 Hvað bjóðum við
Við leggjum áherslu á að skapa jákvætt, sveigjanlegt og fjölskylduvænt vinnuumhverfi þar sem starfsfólk hefur tækifæri til persónulegrar og faglegrar þróunar í starfi. Meðal þess sem við bjóðum er:

• Skemmtilegt og hvetjandi starfsumhverfi.
• Tækifæri til að vinna að mikilvægum og áhrifamiklum uppbyggingarverkefnum.
• Sveigjanleiki í vinnu og jafnvægi milli vinnu og einkalífs.
• Líflegt félagsstarf.

Fyrirspurnir og umsóknir sendist á netfangið umsokn@vso.is, merktar Byggðatækni, hönnun

Vilt þú stuðla að öruggum undirstöðum og stöðugleika?  Við leitum að jarðtækniverkfræðingi, eða sérfræðingi með sambærilega menntun, til starfa við jarðtæknilega hönnun og ráðgjöf.

Um starfið
Sem sérfræðingur við á fagsviði jarðtækni munt þú m.a. vinna við:

• Jarðtæknilega hönnun: Hönnun á undirstöðum fjölbreyttra mannvirkja sem og jarðskriðs- og hrunvarnaraðgerða s.s. varnargarða, stoðveggja og stálþilja.
• Jarðtæknirannsóknir: Úrvinnsla og skýrslugerð vegna jarðtæknirannsókna fyrir ólíkar jarðvegsaðstæður.
• Stöðugleikaútreikninga: Útreikningar á stöðugleika m.t.t. jarðlagaeiginleika, grunnvatnsstöðu, skriðuhættu, jarðhræringa og álags.
• Faglegt samstarf: Fagleg samskipti og teymisvinna með hönnuðum innan fagsviðs og með hönnuðum annarra fagsviða.
• Gerð útboðsgagna: Gerð verklýsinga og annarra gagna fyrir útboð á jarðvinnu.
• Önnur skýrslugerð: Ýmsar greiningar og gagnaúrvinnsla á fagsviði jarðtækni.
• Framkvæmdaeftirlit: Eftirfylgni á byggingartíma og almennt eftirlit með jarðtækniframkvæmdum.

Hæfniskröfur
Við leitum að einstaklingi með eftirfarandi eiginleika og færni:

• Menntun: Menntun á sviði jarðtækniverkfræði eða önnur sambærileg menntun sem nýtist í starfi.
• Reynsla: A.m.k. 3ja ára reynsla af sambærilegum störfum er kostur en ekki skilyrði.
• Hugbúnaðarþekking: Góð þekking Autocad og GeoSuite er kostur.
• Samskiptahæfni: Hæfni til að vinna sjálfstætt og í teymi, jákvæðni og góð samskiptafærni.
• Tungumálakunnátta: Góð kunnátta í íslensku og ensku, bæði töluðu og rituðu máli. Kunnátta í a.m.k. einu skandinavísku tungumáli er kostur.

Hvað bjóðum við
Við leggjum áherslu á að skapa jákvætt, sveigjanlegt og fjölskylduvænt vinnuumhverfi þar sem starfsfólk hefur tækifæri til persónulegrar og faglegrar þróunar í starfi. Meðal þess sem við bjóðum er:

• Skemmtilegt og hvetjandi starfsumhverfi.
• Tækifæri til að vinna að mikilvægum og áhrifamiklum uppbyggingarverkefnum.
• Sveigjanleiki í vinnu og jafnvægi milli vinnu og einkalífs.
• Líflegt félagsstarf.

Fyrirspurnir og umsóknir sendist á netfangið umsokn@vso.is, merktar Jarðtækni. 

Langar þig að taka þátt í að byggja upp innviði samfélagsins? Við leitum að öflugum sérfræðingi til starfa við framkvæmdaeftirlit og ráðgjöf á sviði byggðatækni.

Um starfið
Sem sérfræðingur við framkvæmdaeftirlit á sviði byggðatækni munt þú vinna við:

• Verkumsjón og daglegt eftirlit:  Eftirlit með verklegum framkvæmdum á verkstað m.a. við vega-, gatna- og stígagerð , lagningu veitukerfa og ýmiskonar yfirborðsfrágang.
• Framvindueftirlit: Vöktun og eftirfylgni verkefna í samræmi við tímaáætlanir, gæðakröfur og samninga.
• Úttektir:  Mat og staðfesting á lokum stakra verkhluta og heildarverks, eftirlitsmælingar og úrvinnsla.
• Öryggi:  Mat á öryggi á vinnusvæði framkvæmda og eftirfylgni með öryggisþáttum.
• Samskiptatengsl: Miðlun upplýsinga og  fagleg samskipti við verktaka, verkaupa, hönnuði og aðra hagsmunaaðila.
• Ýmis framkvæmdaráðgjöf og skýrslugerð:  Öflun og úrvinnsla verkefnisgagna, fundargerðir, ýmsar verkgreiningar og áætlanagerð.

Hæfniskröfur
Við leitum að einstaklingi með eftirfarandi hæfileika og færni:

• Menntun:  Háskólamenntun á sviði verkfræði, tæknifræði eða önnur háskólamenntun sem nýtist í starfi.
• Reynsla:  Starfsreynsla af sambærilegum störfum er æskileg, en ekki skilyrði.
• Frumkvæði og sjálfstæð vinnubrögð: Skipulagshæfni og lausnamiðuð hugsun.
• Samskiptahæfni: Hæfni til að vinna í teymi, jákvæðni og góð samskiptafærni.
• Tungumálakunnátta: Góð kunnátta í íslensku og ensku, bæði töluðu og rituðu máli.

Hvað bjóðum við
Við leggjum áherslu á að skapa jákvætt, sveigjanlegt og fjölskylduvænt vinnuumhverfi þar sem starfsfólk hefur tækifæri til persónulegrar og faglegrar þróunar í starfi. Meðal þess sem við bjóðum er:

• Skemmtilegt og hvetjandi starfsumhverfi.
• Tækifæri til að vinna að mikilvægum og áhrifamiklum uppbyggingarverkefnum.
• Sveigjanleiki í vinnu og jafnvægi milli vinnu og einkalífs.
• Líflegt félagsstarf.

Fyrirspurnir og umsóknir sendist á netfangið umsokn@vso.is, merktar Byggðatækni, eftirlit

VSÓ leitar að sérfræðingi með BIM þekkingu til starfa.  Áhugasömum einstaklingi sem býr yfir:

• Háskólamenntun sem nýtist í starfi eða sambærilegri reynslu.
• Þekkingu og reynslu af samræmingarhugbúnaði og stýringu á vefhótelum.
• Þekkingu á BIM stöðlum ásamt stafrænni eftirfylgni byggingarverkefna.
• Faglegum áhuga, frumkvæði og sjálfstæði í starfi.
• Reynslu og þekkingu innan mannvirkjageirans.

Starfið felst meðal annars í:

• Að innleiða, fylgja eftir og leiða BIM innan ólíkra verkefna.
• Að veita faglega ráðgjöf í tengslum við BIM og stafræn verkefni.
• Þátttöku í faglega sterku BIM teymi um þróun og mótun aðferðafræði BIM.
• BIM stjórnun og ráðgjöf ásamt samræmingu hönnunar.
• Innleiðingu á notkun upplýsingalíkana, allt frá undirbúningi verkefna til afhendingar og reksturs. mannvirkja, til að auka gæði og nákvæmni hönnunar.
• Að auka gæði og nákvæmi áætlanagerðar með notkun BIM.

VSÓ Ráðgjöf leggur áherslu á að skapa öruggt og hvetjandi vinnuumhverfi þar sem starfsfólk fær tækifæri til persónulegrar og faglegrar þróunar í starfi ásamt mótun starfsins í samræmi við óskir og þarfir viðkomandi. Því er um frábært tækifæri að ræða fyrir einstaklinga til þess að læra, og þróa sig í notkun og innleiðingu á BIM og stafrænnar tækni í mannvirkjagerð.

Ásamt því að vera leiðandi fyrirtæki í notkun á BIM stýringu verkefna þá býður VSÓ upp á jákvætt, fjölskylduvænt vinnuumhverfi og líflegt félagsstarf.

Fyrirspurnir og umsóknir sendist á netfangið umsokn@vso.is, merktar BIM sérfræðingur.