Landslagshönnun

Landslagshönnun snýst um að móta útivistarsvæði, opin svæði og umhverfi mannvirkja með það að markmiði að skapa vandað og notendavænt umhverfi. Þetta felur ekki aðeins í sér fagurfræðilega útfærslu heldur einnig tæknilega hönnun sem tengist regnvatnsstýringu, landmótun, aðgengi, lýsingu og gróðri. Vel útfærð landslagshönnun styður við virkni og ásýnd byggðar – hvort sem um er að ræða opin svæði í þéttbýli, skólalóðir, atvinnulóðir, íþróttasvæði eða náttúruleg útivistarsvæði.

Við landslagshönnun vinnum við með náttúrulegar aðstæður og mannlega hegðun í sameiningu. Lögð er áhersla á að skapa lausnir sem eru bæði endingargóðar og viðhaldsvænar, en einnig notalegar og aðlaðandi fyrir fólk.

VSÓ hefur komið að margskonar verkefnum á sviði landslagshönnunar og býður upp á fjölbreytta þjónustu í þessum efnum. Meðal verkefna má m.a. nefna hönnun lóða fyrir ýmsar stofnanir, fyrirtæki og einkaaðila, landmótun í tengslum við gatna- og stígagerð, aðkomu að umhverfis- og skipulagsverkefnum o.fl. Rík áhersla er lögð á vistvænar og viðhaldsléttar lausnir við frágang og landmótun. Lagt er uppúr góðu samstarfi við arkitekta og aðra hönnuði og unnið í nánu samráði við verkkaupa.

Landgreining

VSÓ Ráðgjöf leggur áherslu á landgreiningu við skipulags- og hönnunarvinnu. Með landgreiningu eru skilgreindir helstu eiginleikar og styrkur umhverfisins. Landgreining er aðferðafræði sem er í samræmi við markmið evrópska landslagssáttmálans og auðveldar mjög íbúum sveitarfélaga að taka þátt í skipulagsmálum og móta afstöðu til fyrirhugaðra breytinga á landnotkun innan sveitarfélagsins. Landslagið er greint eftir viðurkenndum alþjóðlegum flokkunarkerfum. Með landgreiningunni verður til flokkun svæða miðað við verndargildi, viðkvæmni og getu náttúrunnar og landlags til að jafna sig eftir inngrip. Þessi greining kemur oft í veg fyrir umfangsmikil, tímafrek og kostnaðarsöm ferli á seinni stigum skipulagsvinnu. Hún er einnig liður í því að skilgreina og vernda svæði sem einkenna og undirstrika sérstöðu sveitarfélags og móta sjálfsmynd þeirra.