Almenningssamgöngur

Það er á margan hátt bæði flóknara og erfiðara að skipuleggja almenningssamgöngur en aðrar samgöngur þar sem um margbrotið val á ferðamáta og ferðaleið er að ræða. Sá einstaklingur sem er að leggja upp í ferð, þarf að gera upp við sig hvort hann ætlar að ferðast með almenningssamgöngum og hvaða leið hann ætlar að fara. Hann þarf þar að taka með í reikninginn hraða, kostnað, fjölda skiptinga, öryggi og þægindi og ekki nauðsynlega í þessari forgangsröð.

Það er því grundvallaratriði að vanda skipulag almenningssamgangna og hafa til þess rétt verkfæri og þekkingu. VSÓ Ráðgjöf hefur yfir að ráða einum öflugasta hugbúnaði sem völ er á við áætlanagerð og leiðahönnun almenningssamganga, TransCad. Þá er VSÓ Ráðgjöf í nánu samstarfi við ÅF Trafikkompedence í Stokkhólmi sem er leiðandi ráðgjafafyrirtæki á þessu sviði í Svíþjóð.

VSÓ Ráðgjöf hefur annast ráðgjöf fyrir Strætó bs við heildarendurskoðun leiðakerfis Strætó á höfuðborgarsvæðinu. Byggt hefur verið upp tölvulíkan sem hermir val einstaklings á ferðaleið. Með forritinu er unnt að besta val á akstursleiðum vagna, bæði m.t.t. rekstarhagkvæmni og þjónustugæða.

Helstu verkefni VSÓ Ráðgjafar á sviði almenningssamgangna hafa verið:

• Verkefnisstjórn við hagkvæmnisathugun á lestarsamgöngum milli Reykjanesbæjar og Reykjavíkur
  
• Tillögur að endurbættu leiðarkerfi Strætó í Breiðholti
  
• Samkeppni um gerð frumdraga og tillagna að nýju heildstæðu leiðarkerfi Strætó bs á höfuðborgarsvæðinu
  
• Endanleg hönnun leiðarkerfis Strætó bs á höfuðborgarsvæðinu
  
• Verkefnisstjórn við stefnumótun Reykjavíkurborgar í samgöngumálum
• Lestarsamgöngur á höfuðborgarsvæðinu, hagkvæmnisathugun unnin fyrir Samgönguráðuneytið og Reykjavíkurborg
• Þjónustuútboð aksturs
• Almenn ráðgjöf fyrir Strætó bs.
• Forðalíkan fyrir Strætó bs.

Nánari upplýsingar veitir Smári Ólafsson