Leturstærð
Lítið Venjulegt Stórt

 

  1. Greinargerð
  2. Umhverfisskýrsla
  3. Kort
  4. Viðbrögð við athugasemdum við drög

 

 

Forsíða - Svæðisskipulag Suðurnesja 2008-2024

 

Auglýsing á tillögu að Svæðisskipulagi Suðurnesja 2008-2024

 

Samvinnunefnd um Svæðisskipulag Suðurnesja hefur samþykkt að auglýsa tillögu að Svæðisskipulagi Suðurnesja 2008-2024 ásamt umhverfisskýrslu í samræmi við 24. gr. skipulagslaga nr. 123/2010. Tillagan er aðgengileg hér á síðunni og hér verður jafnframt hægt að nálgast viðbrögð við athugasemdum og ábendingum sem bárust við drög að svæðisskipulaginu. Tillagan mun auk þess liggja frammi á bæjarskrifstofum allra sveitarfélaganna og hjá Skipulagsstofnun.

Svæðisskipulagið mótar stefnu og leikreglur skipulagsyfirvalda fyrir þau málefni sem eru mikilvæg á svæðisvísu og snerta hagsmuni fleiri en eins aðila í samvinnunefndinni. Samvinnunefndin hefur skilgreint megin áherslur skipulagsvinnu og út frá þeim þau viðfangsefni sem skipulagsáætlunin skal vinna að. Viðfangsefni skipulagsins eru:

  • Atvinna
  • Auðlindir
  • Veitur og samgöngur
  • Flugvallarsvæðið
  • Samfélag

 

Ábendingar og athugasemdir við tillöguna skal senda til samvinnunefndarinnar með því að smella á hlekkinn hér til hægri. Einnig er hægt að senda athugasemdir merktar Svæðisskipulag Suðurnesja á póstfangið, Bæjarskrifstofur Sandgerðisbæjar, Vörðunni Miðnestorgi 3, 245 Sandgerði.

Frestur til að gera athugasemdir við tillögu að svæðisskipulaginu er til og með 13. september 2012.

Samvinnunefndin vonast til þess að sem flestir kynni sér þá stefnumörkun sem unnið hefur verið að fyrir Suðurnesin og þær áherslur og aðgerðir sem talið er nauðsynlegt er að ráðast í á næstu árum til að ná settum markmiðum.