Efnisnám kalkþörungasets í Ísafjarðardjúpi

VSÓ Ráðgjöf hefur í samstarfi við Jarðfræðistofu Kjartans Thors unnið frummatsskýrslu vegna fyrirhugaðs efnisnáms kalkþörungasets Íslenska kalkþörungafélagsins í Ísafjarðardjúpi. Frummatsskýrslan er nú til kynningar og má finna hana ásamt sérfræðiskýrslum hér á vefnum.

Í frummatsskýrslu er gerð grein fyrir tilhögun efnisnámsins og líklegum áhrifum á lífríki sjávarbotns, vatnsgæði sjávar, auðlindina kalkþörungaset, samfélag, fornleifar og landbrot. Auk þess er fjallað um líkleg áhrif verksmiðju á loft, hljóðvist og ásýnd.