Nýbyggingar á höfuðborgarsvæðinu, skýrsla (05.06.09)

VSÓ Ráðgjöf hefur tekið saman ítarlegar upplýsingar um ástandið á byggingasvæðum höfuðborgarsvæðisins en erfitt hefur fram að þessu verið að nálgast nákvæmar, uppfærðar og skýrar upplýsingar um stöðu þessara svæða. Í skýrslunni kemur m.a. fram að um 3600 íbúðir standa ókláraðar á byggingasvæðum höfuðborgarsvæðisins.

Upplýsingarnar eru hugsaðar fyrir þá sem starfs síns vegna þurfa nákvæmt yfirlit yfir stöðu nýbyggingasvæða höfuðborgarsvæðisins.  Fyrir liggur flókin ákvarðanataka byggingariðnaðarins, fjármálafyrirtækja og opinberra aðila um framhald verkefna og gefa þessar upplýsingar raunsanna mynd af ástandinu eins og það er í dag.

Í skýrslunni má finna nákvæma talningu og flokkun á byggingarverkefnum.  Verkefnin eru flokkuð í fimm flokka eftir því hve langt á veg þau eru komin. Íbúðarhúsnæði er aðgreint í þrjá flokka og atvinnuhúsnæði í tvo flokka. Þá er hægt að sjá skiptingu eftir sveitarfélögum og svæðum innan sveitarfélaga.

Til að kaupa skýrsluna eða fá nánari upplýsingar vinsamlegast hafið samband við Sverri Bollason, skipulagsverkfræðing hjá VSÓ Ráðgjöf

Verð skýrslunnar er kr 150.000 án VSK