Viðhaldsframkvæmdir við Valhúsaskóla - Forval (10.03.09)

VSÓ Ráðgjöf, fyrir hönd Seltjarnarnesbæjar, efnir til forvals vegna viðhaldsframkvæmda við Valhúsaskóla til að velja þátttakendur í fyrirhugað lokað útboð.

Verkefnið felst í viðgerðum á steyptum byggingarhlutum á þaki hússins ásamt endurnýjun þakpappa. Áætlaður verktími er 1. júní 2009 - 11. september 2009.

Forvalsgögn verða afhent frá og með þriðjudeginum 10. mars í móttöku VSÓ Ráðgjafar. Hægt er að óska eftir gögnum á rafrænu formi með því að senda póst á netfangið vso@vso.is.

Umbeðnum upplýsingum í forvalsgögnum skal skilað í móttöku VSÓ Ráðgjafar eigi síðar en kl. 15:00 þriðjudaginn 31. mars 2009. Allt að fimm hæfum aðilum verður gefinn kostur á að taka þátt í lokuðu útboði.