Marknagilsskóli í Færeyjum - hönnunarsamkeppni (16.02.09)

Landsverk í Færeyjum hefur birt niðurstöður forvals vegna hönnunarsamkeppni um skóla við Marknagil.  Áhugi á þessu verkefni var mjög mikill og sóttu 28 hópar um að taka þátt. 

Nú hafa fimm hópar verið valdir til þátttöku og er VSÓ í einum þeirra ásamt CUBO arkitektum frá Danmörku og færeysku ráðgjafarfyrirtækjunum MAP arkitektum, Landsbyggifélaginu og PB Consult. 

Tvö önnur íslensk ráðgjafarfyrirtæki eru í öðrum hópi sem valinn var til þátttöku, VSB verkfræðistofa og arkitektastofan Arkís. 

VSÓ Ráðgjöf og færeyska verkfræðistofan Landsbyggifélagið hafa átt í ánægjulegu samstarfi í 10 ár.  Stærsta verkefnið í þessu samstarfi er viðbygging við Landssjúkrahúsið í Þorshöfn.  VSÓ hefur komið að ýmsum öðrum verkefnum í Færeyjum, m.a. skólum,  og starfsmenn Landsbyggifélagsins hafa komið til Íslands og unnið fyrir VSÓ við verkefni á Íslandi.        

Sjá nánar frétt um niðurstöður forvalsins á vef Landsverks