Strætó á Suður- og Vesturlandi (12.01.09)

Strætó bs. hóf þann 2. janúar akstur bæði á Suður- og Vesturlandi þ.e.a.s. á milli Reykjavíkur, Hveragerðis og Selfoss annars vegar og Reykjavíkur, Akraness, Hvalfjarðarsveitar og Borgarness hinsvegar.

Á Suðurlandi verða eknar 11 ferðir á virkum dögum til og frá Selfossi og Hveragerði, 6 ferðir á laugardögum og 5 á sunnudögum.

Á Vesturlandi verða á virkum dögum eknar 8 ferðir til og frá Borgarnesi og 11 til og frá Akranesi, á laugardögum 4 ferðir til og frá Borgarnesi og 7 til og frá Akranesi og á sunnudögum þrjár ferðir til og frá Borgarnesi og fimm til og frá Akranesi.

Markmið með akstrinum er að tengja betur saman höfuðborgarsvæðið og nágrannasveitarfélögin auk þess að auðvelda íbúum að stunda vinnu, nám og sækja þjónustu á milli sveitarfélaganna á þægilegan og hagkvæman hátt.

Áhersla er lögð á fasta notendur og því er töluvert hagstæðara að kaupa kort sem gildir í ákveðinn tíma heldur en stakar ferðir. Einnig fá börn, ungmenni, aldraðir og öryrkjar sérstakan afslátt af fargjaldi. Hinsvegar er vert að minnast á að vagnarnir ganga auðvitað í báðar áttir og því tilvalið einnig fyrir íbúa höfuðborgarsvæðisisns að nota þá til að skreppa í gammni og kíkja á menninguna fyrir austan eða vestan fjall.

VSÓ Ráðgjöf veitti sveitarfélögunum Selfossi, Hverargerði, Borgarbyggð og Hvalfjarðarsveit ráðgjöf varðandi skipulag og fleira er varðar akstur strætisvagna á Suður- og Vesturlandi.

Hægt er að kynna sér ferðir vagnanna nánar á vef Strætó bs. www.straeto.is

Strætó á Suðurlandi

Strætó á Vesturlandi