Viðbygging Fjölbrautaskólans í Breiðholti (29.04.08)

Föstudaginn 25. apríl 2008 tóku menntamálaráðherra, Þorgerður Katrín Gunnarsdóttir, og borgarstjórinn í Reykjavík, Ólafur F. Magnússon, fyrstu skóflustungu að viðbyggingu við Fjölbrautaskólann í Breiðholti. Við sama tilefni var skrifað undir samstarfs-samning á milli Menntamálaráðuneytisins og Reykjavíkurborgar um bygginguna.

Nýbyggingingin sem fyrirhugað er að byggja er á þremur hæðum að mestu og samanstendur af tengibyggingu við núverandi skólahús, fjölnotasal á 1. hæð og 13 kennslurýmum á 2. og 3. hæð. Samtals er gert ráð fyrir að kennslurýmin rúmi um 330 nemendur og fjölnotasalurinn mun rúma um 300 manns í sæti með mötuneytisuppröðun og og allt að 400 manns við fyrirlestra og ýmsar uppákomur.

VSÓ Ráðgjöf hefur gert samning við Menntamálaráðuneytið um að sjá um verkefnisstjórn og eftirlit á verkefninu.