Morgunverðarfundur - Hugmyndafræði, hönnun og bygging nýs barnaskóla (12.03.08)

Miðvikudaginn 12. mars bauð VSÓ, í tilefni af 50 ára afmæli sínu, til morgunverðarfundar á Grand Hótel þar sem fjallað var um hvernig sveitarfélög geta sótt ferskar hugmyndir til skólafólks og hönnuða úti í samfélaginu um byggingu nýrra skóla.

Greint var frá því hvernig Mosfellsbær stóð nú nýverið að athyglisverðri samkeppni meðal hönnuða og skólaráðgjafa um Krikaskóla, nýjan leik- og grunnskóla í bæjarfélaginu fyrir 1-9 ára börn.

Á fundinum fjallaði Þorbergur Karlsson, verkfræðingur hjá VSÓ um aðferðarfræði samkeppninnar, Jóhanna Björg Hansen bæjarverkfræðingur í Mosfellsbæ fjallaði um athyglisverða uppbyggingu skóla í Mosfellsbæ og Helgi Grímsson skólastjóri Sjálandsskóla ásamt Seffan Iwersen arkitekt fjölluðu um að bræða saman hugmyndafræði, arkitektúr og verkfræði.

Á morgunverðarfundinn mætti fjöldi góðra gesta úr ýmsum áttum og spunnust bæði góðar og gagnlegar umræður út frá kynningunum sem fram fóru. VSÓ Ráðgjöf kann gestunum öllum bestu þakkir fyrir komuna og vonar að þeir hafi haft bæði gagn og gaman af.

Kynningar fundarins:

Aðferðarfræði samkeppninnar
Þorbergur Karlsson, verkfræðingur hjá VSÓ

Athyglisverð uppbygging skóla í Mosfellsbæ
Jóhanna Björg Hansen, bæjarverkfræðingur

Að bræða saman hugmyndafræði, arkitektúr og verkfræði
Helgi Grímsson, skólastjóri Sjálandsskóla og Steffan Iwersen arkitekt