Morgunverðarfundur - Hugmyndafræði, hönnun og bygging nýs barnaskóla (10.03.08)

Í tilefni 50 ára afmælis VSÓ Ráðgjafar býður fyrirtækið til morgunverðarfundar miðvikudaginn 12. mars kl. 8:30 í Gullteig A á Grand Hótel. Á fundinum verður fjallað um hvernig sveitarfélög geta sótt ferskar hugmyndir til skólafólks og hönnuða úti í samfélaginu um byggingu nýrra skóla.

Í Mosfellsbæ ríkir metnaðarfull og framsækin stefna í skólamálum og skólastarfi. Bæjarstjórnin ákvað að sækja nýjustu hugmyndir um uppbyggingu nýs skóla fyrir 1 til 9 ára börn með athyglisverðri samkeppni. Með þessari nútímaaðferð verður nýjum leik- og grunnskóla blandað saman.

Efnt var til samkeppni meðal hönnuða og skólaráðgjafa um nýja skólann. Tvær athyglisverðar nýjungar í samkeppninni verða kynntar:

• Sagt verður frá samkeppni þar sem verkkaupi og keppendur áttu gagnkvæm samskipti á keppnistímanum
• Greint verður frá samstarfi skólaráðgjafa í hugmyndafræði, kennlsu og uppeldismálum, akritekta og verkfræðinga sem unnu saman í einum hóp þar sem hugmyndafræðin hafði sama vægi og arkitektúrinn.

Um þessa nýju aðferðarfræði, sem skilaði mjög jákvæðum árangri, verður fjallað á afmælisfundi VSÓ Ráðgjafar.

Dagskrá

• Aðferðarfræði samkeppninnar. Þorbergur Karlsson, verkfræðingur hjá VSÓ
• Athyglisverð uppbygging skóla í Mosfellsbæ. Jóhanna Björg Hansen, bæjarverkfræðingur
• Að bræða saman hugmyndafræði, arkitektúr og verkfræði. Helgi Grímsson, skólastjóri Sjálandsskóla og Steffan Iwersen arkitekt
• Umræður, spurningar og svör

Fundurinn er ætlaður skólastjórnendum, fræðslustjórum, fræðslunefndarfólki, arkitektum, verk- og tæknifræðingum ásamt öðru áhugafólki um skólamál.

Aðgangur er í boði VSÓ.

Vinsamlegast tilkynnið þátttöku fyrir 11. mars n.k. með því að senda póst á Bergnýju H. Steinsdóttur hjá VSÓ.