Innnesvegur - Frumdrög (14.02.08)

VSÓ Ráðgjöf hefur nú lokið gerð frumdraga fyrir Innnesveg frá gatnamótum Akrafjalls og Innnesvegar í Hvalfjarðarsveit að gatnamótum við Garðabraut í Akraneskaupstað. Skýrslan var unnin undir verkstjórn Vegagerðarinnar með það að markmiði að móta framtíðarsýn Vegagerðarinnar fyrir Innnesveg og á að nýtast við gerð skipulagsáætlana.

Fulltrúar Vegagerðarinnar voru Erna B. Hreinsdóttir og Auðunn Hálfdánarson. Fyrir hönd Akraneskaupsstaðar komu að verkinu Þorvaldur Vestmann og Ragnar Már Ragnarsson og fyrir hönd Hvalfjarðarsveitar Skúli Lýðsson.

Gerð er almenn úttekt á veginum að steyptum hluta vegarins innan Akranesskaupstaðar. Úttektin nær yfir hliðarsvæði og vegferil, breikkun Innnesvegar ásamt úttekt gatnamóta, bættu umferðaröryggi, hugsanlegum uppbyggingarsvæðum og hljóðvist. Gerðar eru tvær til þrjár kostnaðarmetnar tillögur fyrir hina mismunandi hluta skipulagssvæðisins þ.e. Akranes, skipulagðan þéttbýlishluta Hvalfjarðarsveitar og dreifbýlishluta Hvalfjarðarsveitar.