Kynning breytinga á aðalskipulagi Sandgerðisbæjar (14.02.08)

Tillaga liggur fyrir að breytingu á Aðalskipulagi Sandgerðisbæjar 1997-2017. Tillagan gerir ráð fyrir að landnotkun á fyrrum varnarsvæðum verði innleidd að nýju við Rockville og á íbúðarsvæði sunnan Sandgerðisvegar. Þá er fyrrum varnarsvæði fellt að landnotkun sveitarfélagsins og tekið í borgaraleg not.

Skipulagstillagan, markmið og forsendur ásamt umhverfisskýrslu er til sýnis á bæjarskrifstofu Sandgerðisbæjar í Vörðunni á Miðnestorgi 3, á heimasíðu Sandgerðisbæjar www.sandgerdi.is og hérna á heimasíðu VSÓ Ráðgjafar.

Íbúar Sandgerðis eru hvattir til að kynna sér tillöguna. Ef íbúar vilja nánari upplýsingar um tillöguna er unnt að panta viðtal við bæjarstjóra eða skipulagsfulltrúa Sandgerðisbæjar. Ábendingar og athugasemdir ef einhverjar eru þurfa að berast fyrir kl. 13:00, miðvikudaginn 20. febrúar, áður en tillagan er formlega afgreidd til auglýsingar.

Breyting á aðalskipulagi 1997-2017