Jarðvarmavirkjanir á Bitru og í Hverahlíð (17.09.07)

VSÓ Ráðgjöf hefur nú lokið við gerð frummatsskýrslna vegna mats á umhverfisáhrifum fyrir jarðvarmavirkjanir á Bitru og í Hverahlíð. Um er að ræða 135 MWe virkjun á Bitru og 90 MWe virkjun í Hverahlíð. Framkvæmdaraðili er Orkuveita Reykjavíkur.

Skipulagsstofnun hefur samþykkt að auglýsa frummatsskýrslur Orkuveitu Reykjavíkur fyrir virkjanirnar þar sem þær eru í samræmi við matsáætlun og lög um mat á umhverfisáhrifum. Kynning á frummatsskýrslu og réttur til að skila inn athugasemdum er frá 27. september til 8. nóvember 2007. Athugasemdir eða ábendingar skal senda skriflega til Skipulagsstofnunar.

Niðurstöður mats á umhverfisáhrifum verða kynntar miðvikudaginn 3. október 2007 kl. 17, í húsi Orkuveitunnar að Bæjarhálsi 1 í Reykjavík og fimmtudaginn 4. október 2007 kl. 17:30, í Gestamóttöku Hellisheiðarvirkjunar.

Hægt er að nálgast frummatsskýrslurnar hér á heimasíðu VSÓ Ráðgjafar og á heimasíðu Orkuveitu Reykjavíkur, www.or.is.

Bitruvirkjun - Frummatskýrsla

Hverahlíðarvirkjun - Frummatsskýrsla