Gerð umferðarlíkans fyrir höfuðborgarsvæðið lokið (11.06.07)

VSÓ hefur lokið við gerð nýs umferðarlíkans fyrir höfuðborgarsvæðið. Um er að ræða líkan sem spáir fyrir um umferðarmagn árið 2024. Verkefnið var unnið í samvinnu við Vegagerðina, Skipulags- og byggingarsvið Reykjavíkurborgar og Framkvæmdasvið Reykjavíkurborgar og er beint framhald af rannsóknarverkefni frá því í febrúar 2006.

Ávinningurinn af þessu verkefni er nýtt og áreiðanlegt umferðarlíkan fyrir höfuðborgarsvæðið árið 2024 sem ásamt verkefninu frá árinu 2006, myndar fyrsta heildarumferðarlíkan sem unnið hefur verið frá grunni á Íslandi. Þetta heildarlíkan auðveldar alla vinnu við t.d. umferðarspár, breytingar á skipulagstölum, greiningu á fjölda ekinna kílómetra ásamt frekari rannsóknum á t.d. gerð háannatímalíkans, fjölda starfa (í stað fermetra atvinnuhúsnæðis), tilgangi ferða, ferðavenjum og vali á ferðamáta svo eitthvað sé nefnt.

Notuð var svokölluð Pivot aðferð en þá er spáð fyrir um breytingu frá þekktu ástandi í stað þess að spá frá grunni, sem gerir umferðarflæði grunnársins kleift að haldast uppi að vissu marki. Með þessari aðferð er dregið verulega úr ýmsum skekkjum sem geta falist í langtímaspám.

Nýtt umferðarlíkan höfuðborgarsvæðisins - Umferðarspá 2024