Vottun gæðakerfis VSÓ Ráðgjafar (16.05.07)

I dag fekk VSÓ Ráðgjöf afhent vottorð til staðfestingar á því að gæðakerfi fyrirtækisins uppfylli kvaðir ÍST EN ISO 9001: 2000 gæðastaðalsins. Vottorðið er afhent nú en það var í byrjun febrúar sem úttekt lauk og það lá fyrir að kerfið stæðist kröfur staðalsins.

VSÓ hefur byggt upp og unnið samkvæmt gæðakerfi undanfarna áratugi. Gæðakerfið tók mið af gæðastaðlinum en það er ekki fyrr en nú að ákveðið var að fara út í þá vinnu að fá vottun þess. Viðskiptavinir VSÓ verða ekki varir við mikla breytingu, þar sem gæðakerfið var svipað í uppbyggingu og það kerfi sem nú hefur verið vottað en vottunin staðfestir að þjónustan sem veitt er stenst alþjóðlegar kröfur.