Viðhaldsframkvæmdir við Hvassaleiti 56-58 (28.12.06)

Nýverið lauk viðhaldsframkvæmdum við fjölbýlishúsið við Hvassaleiti 56 – 58 í Reykjavík. Húsið var byggt árið 1984 af félagsmönnum Verzlunarfélags Reykjavíkur og hefur því gjarnan verið kallað VR-húsið. VSÓ hefur haft umsjón með eigninni fyrir húsfélagið allt fráárinu 1990 þegar ráðist var í fyrstu viðhaldsframkvæmdir.

Við undirbúning nýafstaðinna framkvæmda hélt VSÓ m.a. kynningarfund fyrir íbúa hússins ásamt því að annast kynningu á framkvæmdinni fyrir viðskiptabanka húsfélagsins vegna fjármögnunar á framkvæmdum. Framkvæmdirnar voru fólgnar í almennu utanhússviðhaldi á borð við háþrýstiþvott, málun, múrviðgerðir, endursteiningu o.fl. Múr- og málningarþjónustan Höfn ehf. annaðist framkvæmdirnar og voru þær unnar á tímabilinu mars – október 2006. Framkvæmdirnar gengu vel fyrir sig og endanlegur kostnaður að afloknu uppgjöri við verktaka var heldur undir áætlun.