Enn fjölgar farþegum í strætó (13.11.06)

Farþegum í strætó fjölgaði um 7,1% í október í samanburði við sama mánuð í fyrra. Þetta er fjórði mánuðurinn í röð þar sem farþegum fjölgar og sjötti mánuður ársins þar sem farþegar eru fleiri en í sama mánuði á síðasta ári. Þessar tölur eru óumdeilanleg vísbending þess að sífellt fleiri uppgötva að breytingarnar sem gerðar hafa verið á leiðakerfinu geri strætó að raunhæfum valkosti þegar ferðamáti á höfuðborgarsvæðinu er annars vegar.

Samkvæmt upplýsingum á heimasíðu Strætó fjölgaði farþegum Strætó í október um 49.010 en þeir voru 739.658 í ár og 690.648 á sama tíma í fyrra.

Það sem af er árinu hefur farþegafjöldi aukist um 247.802 eða 3.9% og er því ljóst að þær breytingar sem gerðar hafa verið á leiðarkerfinu eru til mikilla hagsbóta fyrir viðskiptavini Strætó en VSÓ Ráðgjöf hefur verið ráðgjafi þeirra við hönnun þess frá upphafi.