Framkvæmdafræði við Háskóla Íslands (30.08.06)

VSÓ Ráðgjöf og Verkfræðideild Háskóla Íslands hafa gert með
sér samstarfssamning um kennslu í verklegum framkvæmdum.
Í samningnum felst að VSÓ hefur umsjón með kennslu í námskeiðunum Framkvæmdafræði 1 og 2 og sér til þess að viðurkenndir sérfræðingar sem uppfylla hæfniskröfur verkfræðideildar Háskóla Íslands sjái um kennsluna. Framkvæmdafræði 1 er námskeið á þriðja námsári í B.Sc námi í umhverfis- og byggingarverkfræði en Framkvæmdafræði 2 er kennd á meistarastigi

VSÓ hefur stofnað til samstarfs við ÍAV um þátttöku í kennslunni og væntir þess að nemendur njóti góðs af reynslu bæði ráðgjafa og verktaka af verklegum framkvæmdum.

Ábyrgðarmaður námskeiðanna er Aðalsteinn Sigurþórsson, MS í verkefnisstjórnun hjá VSÓ og umsjónarmaður af hálfu verkfræðideildar HÍ er Sigurður Erlingsson, prófessor. Jafnframt styrkir VSÓ verkfræðideild HÍ með því að greiða hluta af kostnaði við námskeiðin.

Að lokinni undirskrift í Háskóla Íslands 23.ágúst sl.

Standandi f.v.: Birgir Jónsson frá HÍ, Aðalsteinn Sigurþórsson VSÓ,
Kristján Arinbjarnar ÍAV, Sigurður Erlingsson HÍ.

Sitjandi : Grímur M. Jónasson VSÓ og Sigurður Brynjólfsson HÍ.