Íbúðabyggð í Setbergslandi í Garðabæ (19.06.06)

Nú í vor var haldin lokuð samkeppni um ramma- og deiliskipulag í Setbergslandi í Garðabæ. Fjórum arkitektastofum var boðið að senda inn tillögur og skiluðu Kanon arkitektar, schmitt hammer lassen og Lederer + Ragnarsdottir + Oei (L+R+O) tillögum sem kynntar voru á opnum íbúafundi í Garðabæ þann 13.maí.

Opnuð hefur verið heimasíða verkefnisins þar sem nálgast má ýmsar upplýsingar um Setbergslandið, tillögur arkitektanna og kynningarmyndbönd. Vefslóð síðunnar er: www.setbergsland.is.

Dómnefnd hefur nú lokið störfum og valið tillögu L+R+O sem verður útfærð nánar í samvinnu við bæjaryfirvöld í Garðabæ og aðra hagsmunaaðila. VSÓ Ráðgjöf hefur farið með verkefnastjórn og veitt skipulagsráðgjöf í verkefninu og mun auk þess veita verkfræðiráðgjöf í frekara hönnunarferli.

Tillögu L+R+O má sjá á meðfylgjandi myndum:

[1] Local plan

[2] Master plan

[3] Seytlun regnvatns og skuggamyndun