Jarðfræði

Kristján Sæmundsson jarðfræðingur hjá ÍSOR tók saman niðurstöður vegna jarðfræðirannsókna og skoðaði tillögur vegna gangnagerðar. Skýrsla Kristjáns byggir á yfirborðsrannsóknum og öðrum tiltækum gögnum um hvort gerlegt er að gera hellinn aðgengilegan. Gerð er í skrýrslunni grein fyrir jarðlögum og gerð hraunanna. Lýst er jarðlögum kringum Þríhnúka og kortlögð misgengi og gjár. Fjallað er um eldvirkni og brotahreyfingar. Grunnvatnsstöðu er lýst og lagt mat á áhrif vegna fyrirhugaðra framkvæmda. Farið er yfir kosti og galla vegna aðkomuleiða og gerðar tillögur um gangnaleiðir ( ÍSOR 0164 09.11.2006).

Jarðfræðiskýrsla Kristjáns Sæmundssonar

Til að svara því hvort hægt væri að gera göng að gíghvelfingunni var talið nauðsynlegt að ná borkjörnum úr hraunlagastaflanum á nærsvæði gígsins og sannreyna niðurstöður sem byggðar voru á yfirborðsrannsóknum. Undirbúningur borana miðaðist við að trygja að boranir, flutningur tækja og vatns myndu ekki valda raski á svæðinu. Fullyrða má að vel tókst til og að ekkert rask, utan borkjarnaholanna sjálfra, varð af þessum rannsóknum.

Kristján Sæmundsson tók saman greinargerð um borkjarnatökuna (ISOR 08103 24.10.2008) sem í grófum dráttum staðfestir niðurstöður jarðfræðiskýrslu.

Helstu niðurstöður kjarnaborana, Kristján Sæmundsson