Starfsumsóknir

Laust starf landslagsarkitekts

VSÓ leitar að landslagsarkitekt til að vinna að fjölbreyttum og skemmtilegum verkefnum innanlands og í Noregi. Leitað er að einstakling með jákvætt viðhorf og góða hæfileika í mannlegum samksiptum, sem er tilbúinn til að verða hluti af fjölbreyttu og skemmtilegu starfsmannaumhverfi VSÓ Ráðgjafar ásamt því að hafa:

• Metnað og vilja til að þroskast í starfi.
• Hæfileika til að tjá sig í ræðu og riti.
• Kunnáttu í ensku og a.m.k. einu norðurlandamáli.
• Starfsreynslu og góða þekkingu á MicroStation / AutoCad, Sketch up eða sambærilegum forritum.

Starfið er á sviði Umhverfis og skipulags og felst einkum í vinnu við landmótun og hönnun skóla- og leiksvæða, almennri hugmynda- og hönnunarvinnu, ásamt því að vera hluti af þverfaglegu hönnunar- og skipulagsteymi VSÓ Ráðgjafar.

Hægt er að sækja um starfið með því að senda tölvupóst á umsokn@vso.is merktan Landslagsarkitekt fyrir 1. júlí.

Verkefni VSÓ við landslagshönnun hafa einkum verið við hönnun skóla- og leiksvæða, útivistarsvæða, umhverfi samgöngumannvirkja og atvinnulóða. Meðal verkefna eru ýmis verkefni við fegrun borgarumhverfis m.a. Betri hverfi í Reykjavík, endurbætur á Vesturbæjarlaug, hönnun skólalóða o.fl. í Noregi, hringtorg og umhverfi Höfðatorgs, landgreining Lambafellsgjár, Hafnartorg í Sandgerði og umhverfi tengivirkja.

Laust starf sérfræðings í skipulagsmálum

VSÓ leitar að sérfræðingi til að vinna að fjölbreyttum skipulagsverkefnum. Leitað er að sérfræðingi sem er jákvæður og lipur í mannlegum samskiputm ásamt því að hafa:

• Menntun á sviði skipulagsmála, s.s. skipulagsfræði eða landslagsarkitektúr.
• Reynslu af skipulagsverkefnum.
• Metnað og vilja til að þroskast í starfi.
• Hæfileika til að tjá sig í ræðu og riti.
• Kunnáttu í ensku og a.m.k. einu norðurlandamáli.

Starfið er á sviði Umhverfis og skipulags og felst einkum í vinnu við gerð aðalskipulagsáætlana, deiliskipulagsáætlana, umhverfismat áætlana, ásamt ýmisskonar greiningarvinnu.

Hægt er að sækja um starfið með því að senda tölvupóst á umsokn@vso.is merktan Sérfræðingur í skipulagsmálum, fyrir 1. júlí.

VSÓ hefur unnið að mörgum skemmtilegum skipulagsverkefnum á eigin vegum eða í samstarfi við aðra þ.m.t. Svæðisskipulag Suðurnesja, Aðalskipulag Reykjanesbæjar, Aðalskipulag Sandgerðisbæjar, Aðalskipulag Mýrdalshrepps, Aðalskipulag Keflavíkurflugvallar, umhverfismat Aðalskipulags Reykjavíkur 2010-2030, umhverfismat landsskipulagsstefnu 2013-2024, umhverfismat samgönguáætlunar 2011-2022, stjórnunaráætlun Reykjanesfólkvangs, deiliskipulag iðnaðar- og ferðamannasvæða, hafnarsvæða, atvinnusvæða og íbúðarsvæða.

Almenn umsókn

VSÓ Ráðgjöf hefur sífellt áhuga á því að bæta við sig metnaðarfullu og jákvæðu starfsfólki sem býr yfir lipurð í mannlegum samskiptum. Hægt er að senda inn almenna umsókn með því að senda tölvupóst merktan Almenn umsókn á umsokn@vso.is ásamt starfsferilsskrá með helstu upplýsingum um menntun, fyrri störf o.s.frv.