Byggingasvið

Í verkfræðilegri hönnun húsbygginga þarf að taka tillit til samspils margra og flókinna þátta. Fyrirhuguð starfsemi, kröfur um útlit, form og efni, tilhögun framkvæmda og kostnaðar- og tímarammi eru mikilvæg atriði sem þarf að gæta að. Hverjum hönnuði er því nauðsynlegt að hafa vald á vel skilgreindu hönnunarferli og öflugum búnaði til að leysa hönnunarverkefni í samræmi við óskir verkkaupa.

Sérfræðingar VSÓ Ráðgjafar hafa þróað vinnubrögð íhönnunarstörfum þar sem staldrað er við mikilvæga áfanga á hönnunarferlinum og með kerfisbundnum hætti er kannað hvort markmiðum verkkaupans hafi verið náð. Þeir fylgjast vel með tæknilegri þróun í byggingariðnaðinum og gæta þess að niðurstaða hönnunarstarfanna verði ávallt í samræmi við nútímalegar þarfir.


Þjónusta VSÓ Ráðgjafar nær til allra tæknikerfa húsbygginga:

• Burðarvirki
• Lagna- og loftræsikerfi
• Rafkerfi
• Öryggismál
• Húsagerð
• Hússtjórnar- og iðnstýrikerfi